201710171504000766_Google-Chrome-for-Windows-gets-antivirus-feature_SECVPF

கூகுள் குரோமில் ஆண்டிவைரஸ் அம்சம் அறிமுகம்!


கூகுள் குரோம் பிரவுசரில் வாடிக்கையாளர்களுக்கு பயன்தரும் வகையில் அடிப்படை வசதிகள் நிறைந்த ஆண்டிவைரஸ் அம்சங்கள் சேர்க்கப்பட்டுள்ளன.

கூகுள் குரோம் பிரவுசிங் அனுபவத்தை மேம்படுத்தும் வகையில், சில அடிப்படை ஆண்டிவைரஸ் அம்சங்களை சேர்க்க முடிவு செய்துள்ளது. இந்த அம்சங்கள் பிரவுசர் டீஃபால்ட் செட்டிங்ஸ்களை தானாக மாற்றி பிழைகள் நிறைந்த டூல்கள் மற்றும் பிரவுசர் எக்ஸ்டென்ஷன்களை தடுக்கும்.

விண்டோஸ் கணினிகளில் பிழை ஏற்படுத்தும் அம்சங்கள் நுழைய முற்பட்டால் வாடிக்கையாளர்களை எச்சரிக்கை செய்யும் புதிய அம்சங்களை குரோம் பிரவுசரில் கூகுள் நிறுவனம் சேர்த்துள்ளது. அந்த வகையில் கூகுள் குரோம் பிரவுசர் வாடிக்கையாளர்களின் அனுமதியின்றி செட்டிங்ஸ் மாற்றப்படுவதை கண்டறிந்து, அவற்றை மீண்டும் ரீசெட் செய்யும்.

வலைத்தளங்களில் கிடைக்கும் சில தளங்கள் வாடிக்கையாள்களின் ஹோம்பேஜ் மற்றும் டீஃபால்ட் சர்ச் இன்ஜின் உள்ளிட்டவற்றை மாற்றவோ அல்லது வாடிக்கையாளரின் அனுமதியின்றி சில செட்டிங்ஸ்களை மாற்றியமைக்கும். இவ்வாறான சமயங்களில் குரோம் மாற்றங்களை கண்டறிந்து, அடுத்த முறை நீங்கள் குரோம் ஓபன் செய்யும் போது உண்மையான செட்டிங்ஸ்க்கு மாற்றக்கோரும்.