201710171247019390_Redmi-5A-With-8-Day-Battery-Life-Launched-in-China_SECVPF

பேட்டரி பேக்கப் கொண்ட சியோமி ரெட்மி 5A ஸ்மார்ட்போன் அறிமுகம்!


சியோமி நிறுவனத்தின் ரெட்மி 5A ஸ்மார்ட்போன் அறிமுகம் செய்யப்பட்டுள்ளது. முன்னதாக அந்நிறுவனம் வெளியிட்ட ரெட்மி 4A ஸ்மார்ட்போனின் மேம்படுத்தப்பட்ட மாடலில் வழங்கப்பட்டுள்ள சிறப்பம்சங்களை தொடர்ந்து பார்ப்போம்.

சியோமி  நிறுவனத்தின் அதிகம் விற்பனையாகும் ரெட்மி 4A ஸ்மார்ட்போனின் மேம்படுத்தப்பட்ட மாடலான ரெட்மி 5A ஸ்மார்ட்போன் சீனாவில் நடைபெற்ற விழாவில் அறிமுகம் செய்யப்பட்டுள்ளது. மெட்டல் போன்ற மேட் டெக்ஸ்ச்சர் கொண்டிருக்கும் புதிய ஸ்மார்ட்போன் மெட்டல் வடிவமைப்பை விட எடை குறைவாக இருக்கிறது.

137 கிராம் கொண்டிருக்கும் ரெட்மி 5A ஸ்மார்ட்போன் ஒரு முறை சார்ஜ் செய்தால் எட்டு நாட்களுக்கு பேக்கப் வழங்கும் என தெரிவிக்கப்பட்டுள்ளது. முந்தைய MIUI-9 சார்ந்த ஸ்மார்ட்போன்களை போன்றே புதிய சாதனத்திலும் கைரேகை ஸ்கேனர் வழங்கப்படவில்லை. எனினும் இதன் வடிவமைப்பில் மாற்றங்கள் செய்யப்பட்டுள்ளது.

சியோமி ரெட்மி 5A சிறப்பம்சங்கள்:

– 5.0 இன்ச் எச்டி, 720×1280 பிக்சல் டிஸ்ப்ளே
– 2.4 ஜிகாஹெர்ட்ஸ் குவாட்கோர் குவால்காம் ஸ்னாப்டிராகன் 425 சிப்செட்
– 2 ஜிபி ரேம்
– 16 ஜிபி இன்டெர்னல் மெமரி
– மெமரியை கூடுதலாக நீட்டிக்கும் வசதி
– 13 எம்பி பிரைமரி கேமரா, f/2.2 அப்ரேச்சர்
– 5 எம்பி செல்ஃபி கேமரா, f/2.0 அப்ரேச்சர்
– 4ஜி வோல்ட்இ, வைபை, ப்ளூடூத்
– டூயல் சிம் ஸ்லாட்
– 3000 எம்ஏஎச் பேட்டரி

புதிய சியோமி ரெட்மி 5A ஸ்மார்ட்போனில் MIUI 9 சார்ந்த இயங்குதளம் கொண்டிருக்கிறது. ஸ்மார்ட் அசிஸ்டண்ட், ஸ்மார்ட் ஆப் லான்ச்சர், இமேஜ் சர்ச், குவிக் ரிப்ளை மற்றும் நோட்டிபிகேஷன் மேனேஜ்மென்ட், புதிய ஹோம் ஸ்கிரீன் மேம்பாடுகள் மற்றும் மல்டி டாஸ்கிங் அம்சஙகள் வழங்கப்படுகிறது.

சீனாவில் ரெட்மி 5A ஸ்மார்ட்போனின் விலை CNY599 அதாவது இந்திய மதிப்பில் ரூ.6,000 என நிர்ணயம் செய்யப்பட்டுள்ளது. இதன் விற்பனை சீனாவின் பிரபல ஆன்லைன் விற்பனை தளங்கள் மற்றும் சியோமி அதிகாரப்பூர்வ வலைத்தளத்தில் நடைபெற இருக்கிறது.