201710221609224516_All-new-Maruti-Suzuki-Swift-to-be-unveiled-at-Auto-Expo_SECVPF

மாருதி சுசுகி ஸ்விஃப்ட் ஹேட்ச்பேக்!


மாருதி சுசுகி நிறுவனத்தின் ஸ்விஃப்ட் ஹேட்ச்பேக் மாடலின் இந்திய வெளியீடு மற்றும் விற்பனை சார்ந்த தகவல்கள் இணையத்தில் வெளியாகியுள்ளது.

மாருதி சுசுகி நிறுவனத்தின் புத்தம் புதிய ஸ்விஃப்ட் ஹேட்ச்பேக் மாடல் இந்தியாவில் ஏற்கனவே இறக்குமதி செய்யப்பட்டுள்ளது. புதிய ஸ்விஃப்ட் ஹேட்ச்பேக் 2018 ஆட்டோ எக்ஸ்போவில் அறிமுகம் செய்யப்பட இருப்பதாக தகவல்கள் வெளியாகியுள்ளது.

பிப்ரவரி 2018-இல் நடைபெற இருக்கும் விழாவில் ஸ்விஃப்ட் ஹேட்ச்பேக் இந்தியாவில் ஏற்னவே நல்ல வரவேற்பை பெறும் டிசையர் மாடலை தழுவி வடிவமைக்கப்பட்டுள்ளது. டிசையர் காம்பாக்ட் செடான் மாடல் HEARTECT தளம் சார்ந்து உருவாக்கப்பட்டது. இந்த தளம் உயர் ரக ஸ்டீல் கொண்டிருப்பதால் வாகனத்தின் ஒட்டுமொத்த எடை குறைக்கப்படுகிறது. இதனால் புதிய ஸ்விஃப்ட் மாடலும் 50 கிலோ எடை குறையும் என எதிர்பார்க்கப்படுகிறது.

புதிய ஸ்விஃப்ட் எடை குறைவதால், வாகனத்தின் மைலேஜ் அதிகரிக்கும். புத்தம் புதிய ஸ்விஃப்ட் டிசையர் மாடலிலும் இதே நிலை எதிர்பார்க்கப்படுகிறது.

இந்த காரிலும் ஒரே மாதிரியான இன்ஜின் பயன்படுத்தப்படுகிறது. எனினும் இதில் ஆட்டோமேட்டெட் மேனுவல் டிரான்ஸ்மிஷன் வசதியும் வழங்கப்படும் என கூறப்படுகிறது. 1.2 லிட்டர் K சீரிஸ் பெட்ரோல் இன்ஜின் 82 bhp மற்றும் 112 Nm செயல்திறன், 1.3 லிட்டர் ஃபியாட் மல்டிஜெட் டர்போ சார்ஜ்டு டீசல் இன்ஜின் 75 bhp மற்றும் 190 Nm செயல்திறன் கொண்டுள்ளது. இரன்டு இன்ஜின்களும் 5-ஸ்பீடு மேனுவல் டிரான்ஸ்மிஷன் கொண்டுள்ளது.

இத்துடன் முதல் முறையாக ஸ்விஃப்ட் மாடலில் ஆட்டோமேட்டெட் கியர்பாக்ஸ் பெட்ரோல் மற்றும் டீசல் இன்ஜின் மாடல்களில் வழங்கப்பட இருக்கிறது. இந்த கார் முந்தைய மாடல்களை விட அதிக இடம் பெற்றிருக்கும் என்றாலும், ஒட்டுமொத்த அளவுகளில் அதிகப்படியான மாற்றங்கள் இருக்காது என்றே கூறப்படுகிறது.

புதிய ஸ்விஃப்ட் மாடலில் ABS மற்றும் ஏர்பேக் வசதிகளும், முந்தைய மாடல்களை விட அதிக உறுதியான பாடி ஷெல் கொண்டிருக்கும் என கூறப்படுகிறது. இதனால் புதிய ஸ்விஃப்ட் இதுவரை இல்லாதளவு உறுதியாக இருக்கும் என்றும் இதன் ஸ்போர்ட் எடிஷன் அடுத்தடுத்து வெளியிடப்படலாம் என எதிர்பார்க்கப்படுகிறது.

ஸ்விஃப்ட் ஸ்போர்ட் மாடலில் 1.4 லிட்டர் 140 bhp செயல்திறன் கொண்ட டர்போ சார்ஜ்டு பெட்ரோல் இன்ஜின் கொண்டிருக்கும் என கூறப்படுகிறது. இத்தகைய அம்சங்களால் புதிய ஸ்விஃப்ட் அதிகம் விற்பனையாகும் என எதிர்பார்க்கப்படுகிறது.