201710241155201286_Huawei-is-working-on-a-Foldable-phone-aims-to-launch-in_SECVPF

மடிக்கக்கூடிய ஸ்மார்ட்போன்: 2018-இல் வெளியிட ஹூவாய் திட்டம்!


சீனாவை சேர்ந்த ஸ்மார்ட்போன் நிறுவனமான ஹூவாய், மடிக்கக்கூடிய ஸ்மார்ட்போன்களை உருவாக்கி, 2018-ம் ஆண்டு வாக்கில் அவற்றை வெளியிட திட்டமிட்டுள்ளது.

ஸ்மார்ட்போன் மற்றும் இதர தொழில்நுட்ப உபகரணங்களை தயாரிக்கும் பிரபல சீன நிறுவனமன ZTE மடிக்கக்கூடிய ஸ்மார்ட்போன்களை தயாரிக்க துவங்கியுள்ளது. கடந்த வாரம் ஆக்சன் எம் ஸ்மார்ட்போன் மூலம் மடிக்கக்கூடிய ஸ்மார்ட்போனினை கடந்த வாரம் வெளியிட்டது.

இதேபோன்று சாம்சங் நிறுவனமும் 2018-ம் ஆண்டு வாக்கில் மடிக்க்ககூடிய ஸ்மார்ட்போன்களை வெளியிட இருப்பதாக தகவல்கள் வெளியான, நிலையில் ஹூவாய் நிறுவனமும் மடிக்கக்கூடிய ஸ்மார்ட்போனினை 2018-ம் ஆண்டு வாக்கில் வெளியிட இருப்பதாக ஹூவாய் நிறுவன தலைமை செயல் அதிகாரி ரிச்சார்டு யு தெரிவித்துள்ளார்.

அதன்படி ஹூவாய் நிறுவனம் சீராக வேலை செய்யும் ஸ்மார்ட்போன் மாதிரியை தயாரித்திருந்தாலும், ஸ்மார்ட்போனை வெளியிடும் நிலையில் முழுமையாக தயாராகவில்லை என்றும் அவர் தெரிவித்துள்ளார். இந்த சாதனம் மேலும் வளைக்கப்படுவதற்கான மாற்றங்கள் மேற்கொள்ளப்பட வேண்டும், இதற்கு இன்னும் காலஅவகாசம் தேவைப்படும்.

ஹூவாய் ஸ்மார்ட்போனில் இரண்டு திரை வழங்கப்படுகிறது, எனினும் இரண்டு திரைகளுக்கு நடுவே சிறிய இடைவெளி இருக்கும். இந்த வடிவமைப்பு பார்க்க அழகாக இருக்காது என்பதால் இந்த இடைவெளியை நீக்க வேண்டும் என அவர் மேலும் தெரிவித்தார்.

மடிக்கக்கூடிய ஸ்மார்ட்போன் மட்டுமின்றி, சாம்சங் மற்றும் ஆப்பிள் நிறுவனங்களுக்கு அடுத்த இடத்தில் இருக்கும் ஹூவாய் எதிர்காலத்தில் முதல் இரண்டு இடங்களில் உள்ள நிறுவனங்களை பின்னுக்கு தள்ளும் முயற்சியில் எவராலும் எங்களை தடுக்க முடியாது என யு தெரிவித்தார்.

ஹூவாய் நிறுவனத்தின் பெரும்பாலான விற்பனை மற்றும் வியாபாரம் ஆசியா மற்றும் ஐரோப்பிய சந்தைகளில் நடைபெற்று வரும் நிலையில், அமெரிக்க சந்தையில் கூடுதல் கவனம் செலுத்த வேண்டும். இதுவரை அமெரிக்காவில் சுமார் 10 லட்சத்திற்கும் அதிகமான யுனிட்களை மட்டுமே விற்பனை செய்துள்ளது.