201710261653408530_Ancient-skull-oldest-tsunami-victim_SECVPF

6 ஆயிரம் ஆண்டுகளுக்கு முன் சுனாமியா?: மனித மண்டைஓடு மூலம் கண்டறிந்த விஞ்ஞானிகள்


சுமார் 6 ஆயிரம் ஆண்டுகளுக்கு முன்னர் ஏற்பட்ட சுனாமியால் பாதிக்கப்பட்டு உயிரிழந்தவரின் மண்டைஓடு கிடைத்துள்ளதாக விஞ்ஞானிகள் தெரிவித்துள்ளனர்.

ஆஸ்திரேலிய கண்டத்தில் உள்ள சிறிய தீவான பப்புவா நியூ கினியாவில் கடந்த 1929-ம் ஆண்டு ஐடாப் என்ற இடத்தில் மனித மண்டைஓடு ஒன்று கண்டெடுக்கப்பட்டது. இந்த மண்டைஓடு எத்தகைய காலகட்டத்தைச் சேர்ந்ததாக இருக்கும் என விஞ்ஞானிகள் நீண்ட காலமாக ஆராய்ச்சி செய்து வந்தனர்.

1998-ம் ஆண்டு இதே பகுதியில் ஏற்பட்ட ஒரு சுனாமி தாக்குதலுக்கு பின்னர், இங்குள்ள மண் மற்றும் அந்த மண்டைஓடு ஆகியவற்றை சர்வதேச குழு ஒன்று ஆராய்ச்சிக்கு உட்படுத்தியது.

இந்நிலையில், 1929-ம் ஆண்டு கண்டெடுக்கப்பட்ட மண்டைஓடு சுமார் 6 ஆயிரம் ஆண்டுகளுக்கு முந்தையதாக இருக்கலாம் என்றும், இதற்கு சொந்தமான நபர் சுனாமி தாக்குதலால் இறந்திருக்கலாம் என்றும் ஆராய்ச்சியாளர்கள் ஒரு முடிவுக்கு வந்துள்ளனர்.

பல்லாயிரக்கணக்கான ஆண்டுகளுக்கு முன்னர் சுனாமி ஏற்பட்டதற்கான புவியல் கூறுகள் கண்டெடுக்கப்பட்ட மண்டைஓடுகளில் இருப்பதாக அவர்கள் தெரிவித்துள்ளனர்.