karthi789large49

சம்பாதிப்பதை விட குழந்தைகளை வளர்ப்பது மிக முக்கியம் – நடிகர் கார்த்தி


வினோத் இயக்கத்தில், கார்த்தி, ரகுல் ப்ரீத்தி சிங் நடிப்பில் சமீபத்தில் வெளியாகி பாராட்டை பெற்ற படம் தீரன் அதிகாரம் ஒன்று. இப்படத்தின் வெற்றி விழா சென்னையில் நடந்தது.

கார்த்தி, தயாரிப்பாளர்கள் S.R.பிரகாஷ் பாபு, S.R.பிரபு, இயக்குநர் வினோத், இசையமைப்பாளர் ஜிப்ரான், ஒளிப்பதிவாளர் சத்யன் சூர்யன் உள்ளிட்ட படக்குழுவினர் கலந்து கொண்டனர். விழாவில் கார்த்தி உரையாற்றும்போது………

ஒரு படம் பார்த்து விட்டு படம் நல்லா இருக்குன்னு சொன்னால் மட்டும் போதாது மக்கள் அனைவரும் திரையரங்கில் வந்து படம் பார்க்க வேண்டும்.

இயக்குநர் வினோத்தின் முதல் படம் அருமையான படம் ஆனால் இந்த படம் அதையும் தாண்டி வந்துள்ளது.

வித்தியாசமான கதைகளை இயக்கும் இயக்குநர்கள் தொடர்ந்து வெற்றி பெற்றால் மட்டுமே தொடர்ச்சியாக படங்கள் பண்ண முடியும்.

காவல்துறை சம்மந்தபட்ட படமாக இருந்தாலும் வித்தியாசமான கதையாக இருந்ததால் தான் இந்தப்படம் வெற்றியாக அமைய முடிந்தது.

இந்த படத்தை பார்த்து விட்டு காவல் அதிகாரிகள் தொலைபேசி மூலம் என்னிடம் பேசினார்கள்.

முக்கியமாக அந்த வழக்கில் சம்பந்தபட்ட ஒரு உயர் அதிகாரி படம் பார்க்கும் போது மிக நெகிழ்சியாக இருந்தது அனைவரும் என்னை பாரட்டினார்கள்.

தோல்விகளையும், அவமானங்ககளையும் தாண்டி வரும் போது தான் நாம் ஒரு செயலில் முழுமை அடைகிறோம்.

இதை பெற்றோர்கள் தங்கள் குழந்தைகளுக்கு சொல்லி கொடுக்க வேண்டும்.

தோல்வி வாழ்வின் ஒரு அங்கம் அதை நீங்கள் சந்தித்தே தீர வேண்டும் என்று சொல்லி வளர்க்க வேண்டும்.

அப்போது தான் அவர்கள் ஒரு செயலில் உறுதியாக இருப்பார்கள்.

வளர வேண்டும் என்றால் தோல்விகளை தாண்டி தான் வர வேண்டும் என்று பெற்றவர்கள் குழந்தைகளுக்கு சொல்லி கொடுத்து வளர்க்க வேண்டும்.

சில பெற்றோர்கள் பொறுமை இழந்து குழந்தைகளை அடிகிறார்கள். குழந்தைகளை அடிக்க வேண்டாம். சம்பாதிப்பதை விட குழந்தைகளை வளர்ப்பது மிக முக்கியம்.

ஒரு படத்தில் அனைத்து விதமான விமர்சனக்கள் வரும் ஆனால் இந்த படத்தில் நல்ல விதமான விமர்சனகள் மட்டுமே வந்தது உள்ளது என குறிப்பிட்டுள்ளார்.